LAOAG CITY – Inrakurak ti Presidential Communications Office (PCO) a mangiyuswat da ti maysa a website wenno online platform a mabalin a panangireportan ti publiko ti agwarwaras a fake news iti social media ken dadduma pay a digital channels.
Segun ken ni Palace Press Officer, USec. Claire Castro, saan a palabsen ti ahensya ti panagwaras ti saan nga usto nga impormasyon ken agpila da ti maiyannatop a kaso kontra kadagiti mapaneknekan nga adda ti pagsungsungbatan.
Immunan nga inyuswat ti PCO ti “Oplan Kontra Fake News” ken Anti-Fake News Desk tapno agawat ti report manipod iti publiko.
Nakitinnulong pay ti siyam a kangrunaan a pagiwaranakan tapno mapapigsa ti kampanya kontra iti misinformation.
