LAOAG CITY – Inlawlawag ni Provincial Director P/Col Frederick Obar iti Ilocos Norte Police Provincial Office ti dagos a narelibuan a ni P/Maj Reginaldo Dalipias Jr. kas dati a hepe ti Philippine National Police iti ili ti San Nicolas.
Segun kenkuana, a gagangay kadakuada nga opisial iti Philippine National Police ti nasao a banag no adda ti masapamak a shooting incident kas iti napasamak pammaltog ken ni Barangay Chairman Francisco Bagay Jr. iti Brgy. 5 iti nadakamat nga ili.
Kinunana a kalpasan nga adda ti dua a record ti unsolved incident iti nadakamat nga ili ket daytoy ti rason a nangipatungpalda administrative relieve ken ni Dalipias.
Nupay kasta, kuna ni Obar a karaman latta ni Dalipias iti panagimbestigar mainaig iti pannakapaltog iti nadakamat a barangay chairman.
Maipalagip a kabigatan iti napasamak a pannakapalto-paltog ken ni Barangay Chairman Francisco Bagay Jr. iti Brgy. 5 iti ili ti San Nicolas idi Setiembre 20, 2024 ket insigida a narelibuan ni P/Maj Reginaldo Dalipias Jr. no sadinno a dagos daytoy a sinkutan ni P/Lt/Col Paul Benedick Parado kas Acting Chief of Police iti Philippine National Police iti ili ti San Nicolas.
