LAOAG CITY – Naragsak nga impakaammo dagiti hepe iti ili ti Paoay, Nueva Era ken Dingras, a nagtalinaed a natalged ti manisipalidad da.
Daytoy ti inbatad ni Police Captain Sygman Benigno, Chief of Police iti ili Paoay, Police Captain Bjay Calivoso, Chief of Police iti ili ti Nueva Era ken ni Police Captain Norman Pentang iti ili ti Dingras.
Innayonda, a sumagmamano laengen dagiti matiltiliwan da nga aglablabsing iti Provincial Ordinance 2023-046 wenno ti mandatorio a panagusar ti high visibility vest bayat a dumalyasat iti national road.
Segun kenni Benigno, ti kaaduan a matiltiliwan da ket dagiti motorista nga awan iti lisensyana.
Impaganetget dagiti nadakamat a mangidadaulo iti Philippine National Police kadagiti nadakamat nga ili ti agtultuloy a panangiwayat da ti checkpoint, panagronda ken panagmonitor nangruna iti rabii.
