LAOAG CITY – Kinumpirmaran ni Police Inspector Joel Corrales, deputy chief of police ti PNP-Bacarra nga adda ti dimmanon iti pulisya nga impormasyon mainaig ti panagsibrong.
Daytoy ket kalpasan ti agwarwaras iti scoial media nga adda ti panagsibrong iti ili ti Bacarra partikular iti Barangay Cadaratan.
Nupay kasta, kuna ni Corrales a basar ti panagdamdamag da ket iti ili ti Pasuquin ti nakapasamakan ti maipagarop a panagsibrong.
Mainaig iti daytoy, kuna ni Corrales nga awan pay ti madamdamag da iti nasao nga ili malaksid laeng ti napasamak a gandat a panagsirbong iti maysa a pupil ti Bangsirit Elementary School.
Innayon na nga agtultuloy ti panagpatrolya iti PNP-Bacarra nangruna iti panagruwar dagiti estudyante ken iti rabii.
