LAOAG CITY – Nakasagana a mangawat ti Philippine National Police (PNP) iti aniaman a pammabalaw iti panangipatungpal da ti “Ligtas at Payapang Komunidad” ti Department of Interior and Local Government.
Segun ken ni PNP Chief PGEN Jose Melencio C. Nartatez Jr., normal laeng iti kada komunidad nga agreklamo no paigetan dagiti otoridad ti ipatungpal da a pagannurutan.
Binalakadan na ti publiko a no adda dagiti negatibo a maaramid wenno panagkamali da ket mabalin da nga itawan iti 911.
Maipalagip nga addan ti nasurok a 24,000 dagiti naglabsing iti pagannurutan nga inarestar dagiti otoridad.
Kaadoan kadagiti nalabsing ket ti panaginom iti igid ti kalsada.
