LAOAG CITY – Kinablaawan ni Presidente Ferdinand Marcos Jr. ni Pinoy gymnast Carlos Yulo kalpasan a nagun-odna ti kaunaan a gold medal ti Pilipinas iti Paris 2024 Olympics.
Dinayawna ni Yulo kas umuna a Filipino male gold medalist para iti performance-na iti floor exercise iti men’s artistic gymnastics.
Mainaig iti daytoy, inpadanon met ti nabara a panangkablaaw ni First Lady Liza Marcos ken ni Yulo babaen iti panangipatulodna iti mensahe a “Congratulations, Carlos Yulo!”
Kabayatanna, nailanad iti Republic Act 10699 wenno ti National Athletes and Coaches Benefits and Incentives Act,” dagiti gold medalist iti international sports competitions ket makaawat ti P10 a milyon manipud iti gobierno, dagiti silver medalist ket makaawat P5 a milyon, idinto a bronze medalists ket makaawat ti P2 a milyon.
