LAOAG CITY – Inkari ni President Ferdinand Marcos Jr. ti ad-ado pay a tulong a maipaay para kadagiti mangisursuro iti pagilian.
Inramid daytoy ni Presidente Marcos kalpasan ti pannakipagkita na kadagiti sumagmamano a mangisursuro kabayatan ti panaginspeksyon na iti Brigada Eskwela activities idiay Bulacan.
Inpalgak na nga agkakasirib dagiti mangisursuro ngem kurang da laeng ti suporta isut gapuna nga inkarina ti panangipaay ti gobierno na ti naan-anay a suporta kadakuada.
Inpetteng na a saan laeng a pinansyal a suporta no di ket uray kadagiti retraining wenno ti panangkissay ti administrative duties da.
Kunana a pagtitinnulungan nga urnusen dagitoy tapno dagiti agtutubo no makaturpos da ket sigurado nga agkakasirib amin dagitoy kangrunaan na iti mathematics, ken no agadal da iti kolehiyo ket naan-anayen a kabaelan da wenno nakasagana dan nga agtrabaho.
Maipalgip nga idi 2024, agarop 18 a milyon a nagturpos iti sekondarya ti maibilang kas “functionally illiterate,” maibasar iti Philippine Statistics Authority’s (PSA) Functional Literacy, Education, and Mass Media Survey (FLEMMS).
