LAOAG CITY – Kinondenar ni U.S. President Donald Trump ni German Chancellor Friedrich Merz mainaig iti panagkedked ti Germany a mangipaay ti suporta ti militar tapno masigurado ti seguridad iti Strait of Hormuz.
Iti maysa nga interview iti Miami, inbatad ni Trump a saan nga umdas ti maipapaay a tulong dagiti pagilian a miembro iti North Atlantic Treaty Organization (NATO), karaman ti France ken United Kingdom.
Segun pay ken ni Trump, maipagarop a nagkedkedan ni Merz ti pannakipaset iti babaen ti rakurak na a saan da a gubat daytoy uray a ti orihinal a nangibaga iti daytoy ket ni German Defense Minister Boris Pistorius.
Inkompara na ti mapaspasamak a gubat iti Ukraine, a basar kenkuana ket “not our war” metlaeng, ngem agtultuloy latta ti panangipaay ti Estados Unidos ti suporta.
Inpetteng ni Trump ti posibilidad a balbaliw a tingitingen ti Washington ti ”longstanding security commitments” na iti North Atlantic Treaty Organization, a mabalin a mangtratar no apay a rumbeng a depensaan ti Amerika dagiti kaalyado na a pagilian no sadinno a para iti US President ket saan a maisubsubli a patas kadakuada.
Kabayatanna, ikarkarigatan met ni German Foreign Minister Johann Wadephul a pagkalmaen ti tensyon, no sadinno a kunana a “no disagreement” iti nagbaetan ti Berlin ken Washington.
