LAOAG CITY – Nagtalinaed ti panagtalek ni Presidente Ferdinand Marcos Jr. a maipasa ti nailungalong a 2026 national budget sakbay nga agngudo ti tawen.
Daytoy ti rakurak ti Malakanyang kalpasan ti konklusyon ti bicameral conference committee deliberations ti Kongreso.
Inbatad ni Presidential Communications Office (PCO) Undersecretary ken Palace Press Officer Claire Castro nga agtalek ni Presidente Marcos a ti pinal a bersyon ti nailungalong a 2026 General Appropriations Act (GAA) ket maipatulod iti Malakanyang “on time” ken mapirmaan sakbay nga agngudo ti tawen.
Iti report, kalpasan ti sumagmamano a pannakaitantan na ket inleppas metlaeng ti contingents manipod iti Kamara de representantes ken Senadov ti bicameral conference committee meeting iti proposed P6.793 trillion national budget para iti 2026.
Natratar iti kaudian a bicameral conference committee meeting babaen kadagiti agpanpanday linteg ti budget ti Department of Public Works and Highways, unprogrammed appropriations, special-purpose funds, ken dadduma pay.
Kalpasan a naaddaan ti reconciliation iti conflicting provisions ti nailungalong a budget ti dua a pagpandayan linteg iti kongreso ket maisubli daytoy iti kamara de representantes ken senado para iti ratipikasyon.
Ti ratified version keet maipan met iti opisina ni Presidente Marco para iti panangpirma na.
