LAOAG CITY – Inbilin ni Presidente Ferdinand “Bongbong” Marcos Jr. iti Armed Forces of the Philippines (AFP) a kissayan ti tension iti China pakaseknan iti isyu ti West Philippine Sea.
Daytoy ti inrakurak ni Armed Forces of the Philippines Chief of Staff Gen. Romeo Brawner Jr.
Inbatad ni Brawer a nalawag nga indatagda dagiti pagannurutan ti pannakikoordinarda.
Inprisentarda pay ti updated territorial defense plan iti Presidente.
Nakaragsakan met ti Presidente ti nasao a plano a maibilang a maysa nga holistic approach.
Saan laeng daytoy a nakatutok iti external defense no di ket pakairamanan pay iti uneg ti pagilian.
Saanen nga indetalye ni Brawner no ania ti aramidenda tapno kissayan ti tension gapu iti operational matters daytoy.
Inpasigurado ni Armed Forces of the Philippines Chief nga agtultuloy ti rotation and resupply mission iti BRP Sierra Madre iti Ayungin Shoal.
Immunan nga inrakurak ti Presidente nga i-level up ti panangsolbar iti isyu iti West Philippine Sea saan laeng a nasken a mapnek kadagiti arungaing ti diplomatic protest.
