LAOAG CITY – Inkari ti Prime Minister ti Thailand a ni Anutin Charnvirakul ti pannakaipatungpal ti baro a linteg ti gun control kabayatan ti napasamak a shooting incident idiay Thailand.
Plano ti Prime Minister a mangipatungpal ti linteg a paigetan ti panagusar ti armas iti publiko pakairamanan ti baro a pagannurotan a palubosan laeng dagiti opisial ti gobierno a naka-duty nga agusar ti paltog.
Maipalagip a pinatay ti maysa a menor de edad a lalaki ti bukudna a lolo ken lola iti balayda usar ti paltog ti lolona ken apaman a nagturong daytoy iti pagadalanna ket nangiwayat ti pammaltog a nangitunda ti pannakatay ti lima a mangisursuro sakbay a pinatayna ti bagina.
Basar iti report ti internasional ken lokal a media a ti nausar a paltog ket legal a nakarehistro ken adda permit-na.
Ti Thailand ket maysa iti kangatoan a rates ti civilian gun ownership iti Southeast Asia no sadinno agarup 10.3 million a firearms ket adda ti panagtagikua dagiti civilian ken agarup 4 million iti nasao a bilang ket maipagarup nga ilegal.
Kabayatanna, adda ti naiget a gun laws ti pagilian no sadinno ti pannusa iti illegal possession ti armas ket agingga 10 a tawen a pannakaibalud a ti pannakaipatungpal kadagitoy a linteg ket nabayagen nga isyu.
