LAOAG CITY – Maalarma ni Mr. Jerry Careon, ti principal ti Ilocos Norte National High School gapo ta adda dagiti estudyante ken mangisursuro iti nasao a pagadalan nga apektado ti dengue.
Segun kenni Careon, tallo a mangisursuro ti apektado ti nasao a sakit.
Inlawlawag na a dagiti dua a maestro ket adda da pay laeng iti ospital ngem stable ti kasasaad da idinto a ti maestra ket napakarwan ngem nagsublin a nangisuro.
Gapo iti daytoy, inyetnag ni Careon ti order a saan pay laeng nga ag-uniporme dagiti babbai nga estudyante no diket agisuot da ti pantalon ken nabengbeng a medyas.
Inbatad na a simple laeng a wagas ti mandar na ngem patyen na a makatulong daytoy tapno maliklikan a makagat ti lamok dagiti maksenan.
Innayon na nga uray nag-fogging da sakbay a nangrugi ti klase ket saan latta a maliklikan nga adda dagiti makagat ti lamok gapo ta agtultuloy pay laeng ti pangtudtudo na.
