LAOAG CITY – Ginutigot ni Mrs. Eva Duyor, Officer In Charge ti Provincial Assessor’s Office dagiti awan pay ti titulo ti dagana nga agpatulong iti opisinada wenno iti Department of Environment and Natural Resources Office.
Daytoy ket babaen ti “Task Force Titulo: Sagut ken ni Ilocano” wenno ti dati a “Titulo a Natalged” a programa a nangrugi pay laeng idi 2011.
Mamati isuna nga adu pay ti saan a nakaipatitulo ti dagana rason nga agtultuloy daytoy a programa ti gobierno probinsial.
Maipalagip nga iti napalabas ket dumanon iti 447 dagiti nakaawat ti titulona babaen ti nasao a programa.
Naammoan a dagiti benepisiario ket manipud iti ili ti Piddig, Sarrat, Solsona, Marcos, Banna, Paoay, Pinili, Dingras, Currimao, Badoc, Dumalneg ken iti siudad ti Batac.
