LAOAG CITY – Inpakaammo ni Engr. Glenn Miguel, District Engineer ti Department of Public Works and Highways – First District Engineering Office a posible a maminsan manen a mailungalong inton 2025 ti pundo para iti nayon a dalan nga agturong iti maysa a dakkel a mall ditoy siudad ti Laoag.
Segun kenkuana, nagkiddawda daytoy a tawen ti pundo ngem no saan a maikamat ket para iti sumaruno a tawen ti pannakaipatungpalna.
Inbatadna a ti kalsada ket agakaba ti walo a metro a kumamang iti Gilbert Bridge ken iti bypass road iti Laoag-San Nicolas.
Kabayatanna, mangnamnama ti District Engineer ti Department of Public Works and Highways – First District Engineering Office a maawatdanton ti kiniddawda a 30 a milyon a pisos a pundo para iti nasao a proyekto.
