LAOAG CITY – Nagtalinaed iti kustudiyar ti PNP ditoy ciudad ti Laoag ti maibilang a Rank No. 2 wanted person idiay San Pablo City, Laguna.
Nabigbig daytoy a ni Cecilio Reyes Rodriguez, agtawen ti 61, awanan ti asawa, agnanaed iti Brgy. 12, Magat-Salamat ditoy ciudad ti Laoag.
Ti nasao nga akusado ket natiliw babaen ti kameng ti PNP San Pablo City, Laguna.
Naarestar daytoy babaen ti bileg ti warrant of arrest a pinaruk-atan ni Judge Amy Melfa Belolia iti RTC Branch 13 idiay San Pablo City a napetsaan idi Marso 12 , 2018 gapo ti kaso a rape.
Awan met ti nairekomendar a pyansa ken manamnama maipaima ti suspek idiay PNP-San Pablo.
