LAOAG CITY – Isagsaganan ti National Bureau of Investigation dagiti reklamo a ‘malversation of public funds’ ken ‘indirect bribery’ kontra kadagiti opisyal nga innaganan ni dati a Department of Public Works and Highways Undersecretary Roberto Bernardo iti Senado.
Segun ken ni Justice Sec. Jesus Crispin Remulla, amin dagiti nadakamat ni Bernardo iti panagdengngeg ti Senate Blue Ribbon Committee ket mairekomendar a kasoan iti National Bureau of Investigation.
Kalpasan iti daytoy ket nagsapata ni dati a Department of Public Works and Highways Usec. Bernardo iti Department of Justice iti palawag na mainaig kadagiti ammo na maipanggep iti maanomalya a flood control projects.
Karaman kadagiti nadakamat ni Bernardo ket isuda Sen. Chiz Escudero, ex-Sen. Nancy Binay, ex-Sen. Bong Revilla, ken Ako Bicol Party-list Rep. Zaldy Co.
