LAOAG CITY – Pinaggeddan da Robi Domingo ken Maiqui Pineda ti panangselebrarda ti honeymoon ken first wedding anniversary-da idiay Japan.
Inbatad ni Robi a naitantan ti honeymoon-da iti asawana iti napalabas a tawen gapu iti adu a personal stuff a napasamak kas ti pannakatay ti lolana ken kellaat a naaddaan ti programa.
Pimmusay ti lola ni Robi iti aldaw mismo ti kasarna ngem saanda dagus nga inpakaammo daytoy kenkuana.
Kuna ni Robi a napalaos ti panagyamanna gapu ta naaddaanda ti oportunidad nga agbakasion idiay Japan kaduana ti asawana.
Inlawlawagna nga ibilangda nga agasawa a maysa kadagiti saanda a malipatan ti panagturongda idiay Japan gapu ta agingga ita ket isu ti pagsasaritaanda pay laeng nga agasawa.
Maipalagip a nagkallaysa da Robi Domingo ken Maiqui Pineda idi Enero 6, 2024 iti maysa a simbaan idiay Pulilan, Bulacan.
