LAOAG CITY – Kinumpirmaran ti Philippine Space Agency (PhilSA) a natnag ti debris wenno dagiti sumagmamano a paset ti Long March 12 rocket ti China iti kabaybayan a sakopen ti Pilipinas asideg iti Palawan idi rabii, Agosto 4.
Ti debris ket nagdisso iti 21 nautical miles manipod iti Puerto Princesa ken 18 nautical miles manipod iti Tubbataha Reefs Natural Park, dagiti lugar a sakupen ti exclusive economic zone ng bansa.
Mainaig iti daytoy, inulit ti ahensiya ti ballaag na iti publiko kontra iti risgo nga itunda dagiti rocket debris.
Inbatad ti ahensya a no makita dagiti debris ket saan nga iggaman wenno kolektaren gapu ta mabalin nga addaan daytoy ti makasabidong a ramen kas ti rocket fuel, imbes ket ipakaammo a dagus kadagiti otoridad.
