LAOAG CITY – Mabalin a maiyakar ti government contractor a ni Sarah Discaya iti National Bureau of Investigation (NBI) detention facility iti New Bilibid Prison, partikular iti Building 14 ti Maximum Security Compound iti Muntinlupa City.
Daytoy ket no maaprubaran ti kiddaw ti kampo na para iti pannakaiyakar na, basar ken ni National Bureau of Investigation Director Angelito Magno.
Ti nasao a pasilidad ket addaan ti 29 selda, sag-8 square meters ti tunggal maysa, ken ma-access laeng iti New Bilibid Prison main road asideg iti Bureau of Corrections Museum.
Iti agdama, nakabalud ni Discaya, kawa na ti walo a pada na nga akusado iti Lapu-Lapu City Jail idiay Cebu iti kasoa graft ken malversation of public funds.
Immunan a nagpila ti kampo na ti mosyon tapno maikabil iti kustodiya ti National Bureau of Investigation, ngem awan pay ti order ti korte.
Maipalagip a naarestar ni Discaya idi Disyembre 18 mainaig iti maipagarop a P96.5-milyon a “ghost” flood control project iti Davao Occidental.
