LAOAG CITY – police ti PNP-Currimao a pimusayen ti biktima ti napasamak a desgrasya iti Barangay Poblacion 1 iti nasao nga ili.
Nabigbig daytoy a ni Carlito Viloria, security guard ti maysa a bus company iti ciudad ti Batac ken residente iti ili ti San Juan iti probinsya ti Ilocos Sur.
Segun kenni Permison, day-off ni Viloria idi kalman ken napan da naggi-inom iti maysa a beach resort iti nasao nga ili ken idi agawid idi rabii ket napasamak ti desgrasya,
Inbatad na a mabalin a saan a napakadaan ni Viloria ti agkurba a paset ti kalsada ken nagderetso iti matartarimaan a sea wall ken a nangitunda ti pannakatennag na gapo ta napaspas ti panagpataray na.
Gapo ti daytoy, natukkol ti ima ti biktima ket nakaro a naapektaran ti ulo na a rason ti pannakatay na.
Kunana nga adda ti barikada ken signages iti nasao a lugar ngem posible a gapo iti kinabartek ken napaspas a panagpataray ti rason.
Mainaig iti daytoy, kuna ni Permison a no adda ti makita da a mapan agdidigos ket kanayun da a palpalagipan dagitoy seknan iti oras a mabalin da a kaadda iti baybay.
