LAOAG CITY – Nagballaag ni Senador Ronald “Bato” dela Rosa iti Philippine National Police (PNP) mainaig kadagiti legal nga implikasion no agtultuloy nga ipatungpalda ti arrest warrant manipud iti International Criminal Court (ICC).
Segun ken ni Dela Rosa, amin nga ar-aramiden ti Philippine National Police ket iligal gapu ta ti warrant of arrest nga inserbi dagitoy ket saan a naggapu kadagiti competent authorities.
Inbatadna nga aniaman nga oras wenno aldaw ket maiparuk-at met ti warrant of arrest-na ken tiliwenda isuna ti Philippine National Police.
Nupay kasta, inlawlawag ti Senador a saan daytoy a lumaban kadagiti dati a subordinates iti Philippine National Police ken kasaritana laeng dagitoy no bilang isuda ti agserbi ti warrant of arrest kontra kenkuana.
Kabayatanna, inpasingked ni Senate President Chiz Escudero ti kinasagana a maipaayan ti proteksyion ni Dela Rosa ken saanna nga ipalubos a maarestar ti Senador no adda isuna iti uneg ti Senado.C
