LAOAG CITY – Nagkomento ni Senador Panfilo “Ping” Lacson iti panag-Facebook Live broadcast ni Senador Alan Peter Cayetano mainaig pay laeng iti krisis ti liderato ti Senado.
Iti maysa a post iti X (dati a Twitter) Hunio 7, inbatad ni Lacson nga ag-Facebook Live lattan ni Cayetano no awan ti natibker a pammaneknek iti linteg dagiti argumentona.
Inpettengna nga arig Live broadcasts laeng ti ar-aramaten ni Cayetano tapno maibagana dagiti kumikomna iti krisis ti Senado.
Kabayatanna, naglikudan met ni Lacson ti baro nga alegasion ni Cayetano kenkuana a maipagarup nakikadua daytoy iti Malacañang tapno ipiten dagiti sumagmamano a personalidad ti kontrobersial mainaig iti flood control projects.
