LAOAG CITY – Pimmusayen ni Senador Miguel Uribe iti Columbia, dua a bolan kalpasan ti pannakapaltog na kabayatan ti panagkampanya na para iti kina-presidente iti ciudad ti Bogota idi Hunyo 7 ita a tawen.
Naarestar met a dagus ti suspek a maysa a menor de edad, ngem agpapan kadagitoy ket saan pay a nalawag no ania ti motibo iti krimen.
Maipalagip a tallo a tama ti bala ti sinagaba ti biktima no sadinno a dua ti timmama iti ulo na ken maysa iti luppo na.
Mismo a ti asawa ni Uribe ti nangkumpirmar ti pannakatay na iti social media kagiddan ti panangipaay na iti inawagan na kas “love of my life”.
