LAOAG CITY – Mangipatungpal ti Manila Electric Co. (Meralco) ti panagbaba ti singir iti kuryente ita a bulan ti Setiembre.
Iti anunsio ti Meralco, impakaammoda ti panagbaba iti P0.0409 iti kada kilowatt hour (kWh) a singirda iti kuryente.
Gapu iti daytoy, ti overall rate para iti maysa a typical household ket agbalinen a P14.7424/kWh laengen manipud iti dati a P14.7833/kWh idi napalabas a bulan.
Ti nasao a panagbaba ket katukad ti P8 pannakatipid para iti maysa a pagtaengan a makaususar ti 200 kwh iti kada bulan.
Segun ken ni Meralco vice president ken head of corporate communications Joe Zaldarriaga, ti panagbaba ti singirda iti kuryente ket gapu iti bimmaba a government-imposed tax ken ancillary service charges.
