LAOAG CITY – Nangipaay ti komento ni Mr. Niño Oconer, ti Secretary-General La Union Peace and Justice iti naiyuswat nga State of the Nationa Address (SONA) ni Presidente Ferdinand Marcos Jr. a kunana a pinaneknekan ti administrasion nga awan ti dakkel a panagbalbaliw iti unos ti panagtugawna kas Presidente.
Kunana a paset laeng ti panagbitlana ti manamnama a pannakaibalud ni dati a House speaker Martin Romualdez no sadinno a nabayag kuman a napasamak gapu ta maipagarup a maysa a tawen ti napalabasen.
Inbatadna nga awan ti nagpalakpak iti paset ti panagbitlana a ‘Hindi ako pangulo ng pamilya, hindi ako pangulo ng kaibigan, pangulo ako ng mga mamamayang Pilipino’ gapu ta segun kenkuana ket agpapada da amin nga agpampanday linteg nga adda ti pakainaiganna iti dakkel nga anomalya ti flood control project.
Malaksid iti daytoy, kunana a no mainaig ti pannakaipaikkat ti systems loss ket nabayagen nga ikkis dagiti umili.
Inpettengna nga awan ti paset ti panagbitlana ti oil deregulaton law, ti pannakapaikkat ti value added iti produkto a petrolyo, pannakaipangato ti minimum wage iti amin a rehiyon iti pagilian, modernization ti mass transport ngem nudiket ti launching ti rocket a maiwayat idiay Cagayan.
Kuna ni Oconer nga awan man laeng ti dakkel a pagsayaatan dagiti umili no sadinno nga awan ti nangngegan a nabayagen nga ikkis dagiti umili.
Inpanagetgetna a ti umno a nag-SONA ket dagiti nangiwayat ti kilos-protesta a nangipeksa kadagiti ikkis da nga inaldaw-aldaw a mapaspasaran dagiti umili.
Innayonna a ti SONA ket dagiti mismo nga agtaltalon, agtutubo, ken mangmangged.
Kabayatanna, kinablaawanna dagiti nangiwayat ti kilos protesta gapu ta impakitada ti umno a mapaspasaran dagiti Pilipino iti pagilian.
