LAOAG CITY – Nagaramid ti pakasaritaan ti 18-year old teenage football player ti Team Spain iti panagserrek ti grupo ti semi-finals iti 2026 FIFA World Cup kalpasan ti thriller game kontra iti Belgium.
Iti panagay-ayam ti forward a ni Lamine Yamal iti quarter-final match, opisialna a nairekord ti maikainem nga appearance iti FIFA World Cup.
Gapu iti daytoy, isuna ti kaunaan ken kaubingan a player iti pakasaritaan iti football babaen iti tawenna a 18, maysa a rekord a saan a naaramid uray ti Brazilian legend a ni Pele idi panawenna.
Sakbay iti historic World Cup journey ni Yamak, nakapasar isuna iti hamstring injury idi Abril ngem napaspas a dimmalan ti medical procedures.
Iti umuna a FIFA World Cup tournament-na, naaramidna a makastrek ti maysa a goal iti umuna a labanna kas starter kontra iti Saudi Arabia iti initial stage iti laban.
Kabayatanna, gapu iti kontribusionna ken ti solido nga ay-ayam iti Team Spain, pormalen a simrek iti FIFA World Cup Semifinals ti nasao a grupo.
Naammoan a daytoy ti umuna a gundaway ti nasao a grupo sipud nag-kampeonda idi 2010.
