LAOAG CITY – Maiyur-uray paylaeng ti pannakagatang ti supply ti Anti Rabies vaccine iti City Health Office ditoy ciudad ti Kaoag.
Daytoy ti inpakaammo ni Dr. Rodrigo Catcatan, mangidadaulo ti nasao nga opisina.
Segun kenni Caycatan, naibayaga ti pannakagatangna gapu ta dimmalan paylaeng daytoy iti bidding.
Kunana nga umabot iti 800 vials nga agbalor iti nasurok a maysa a milyon a pisos ii manamnama a magatang a supply ti Anti Rabies Vaccine iti City Health Office.
Mainaig iti daytoy, inadmitir ni Catcatan a kadagitoy ket awan pulos ti available nga anti rabies vaccine iti opisinada rason a bilbilinen da dagiti agturturong kada uada a temporaryo a mapan pay laeng gumatang iti ruwar.
Maipalagip nga imununa nga adda iti naawat a mensahe ni presiding Officer Vice Mayor Rey Carlos Farinas a mangibagbaga kenkuana nga awan ti suplay ti Anti – Rabies Vaccine iti City Health Office.
Inbatadna nga apaman a naipadanon kenkuana daytoy ket insigida a tinawaganna ni Catcatan tapno saludsuden no apay nga awan iti suplay ken inadmitir met daytoy ti doktor ken inlawlawag na nga alisto a maibus.
