LAOAG CITY – Kinumpirmaran ni Police Supt. Dominic Guerero, hepe ti PNP Laoag a tallo dagiti posible a suspek iti pannakapapatay ni Harold Joy Dacquioag kalpasan a napaltopaltogan idi rabii iti Brgy 23 ditoy suidad ti Laoag.
Kuna na a nakita dagiti residente nga adda ti tallo a lallaki a nakaabungot.
Kinumpirmaran ni Guerero a love triangle ti maysa kadagiti anggulo ti pammaltog gapu ta adda ti asawa ti biktima idinto nga adda pay ti ka live-in na, malaksid laeng ti iligal a druga.
Immunan a natiliw ti babai a kalive-in ti biktima a ni Marie Angelique Amor Lanot, agtawen ti 27 kalpasan a narekobre dagiti otoridad ti glass tooter ken ligter iti asideg ti pagtugtugawan na iti balay ti suspek.
Agtultuloy ti panangimbestigar dagiti otoridad ti natiliw a babai.
Kinumpirmaran pay ni Guerero nga adda ti kaso ti biktima mainaig ti iligal a druga idi 2016.
