LAOAG CITY – Natiliw iti ili ti Bacarra ti Top 1 Most Wanted Person idiay Zaragoza, Nueva Ecija.
Daytoy ti kinumpirmaran ni Police Major Jephre Taccad, ti pannakangiwat ti Ilocos Norte Police Provincial Office (INPPO).
Nabigbig ti akusado a ni Pelvin Tagasa, agtawen ti 32, awanan ti asawas ken residente iti Barangay San Rafael Zaragoza, Nueva Ecija ngem agdama nga agnanaed iti Barangay 19, Tambidao iti ili ti Bacarra.
Naarestar daytoy babaen ti bileg ti warrant of arrest nga inparuk-at ti Presiding Judge ti RTC Branch 26, Cabanatuan City Nueva Ecija gapo iti panaglabsing iti RA 7610 a napetsaan ti Setyembre 17, 2008.
Segun kenni Taccad, ni Tagasa ket nabayagen nga aglemlemmeng daytoy iti ili ti Bacarra.
Manamnama met a maiturn over ti suspek iti korte a naggapoan ti warrant of arrest.
