LAOAG CITY – Balligi a naarestar ti maibilang a Top 10 Regional Target List babaen iti Anti-Illegal Drug Buy-bust Operation iti Brgy. Magnuang iti siudad ti Batac.
Nabigbig ti suspek a ni Jeoffrey Galleon y Bumanglag, agtawen iti 46, naasawaan, pintor ken residente ti Brgy. Pimentel iti nasao a siudad.
Natiliw ti suspek kalpasan a maipagarup a naglako daytoy iti maysa nga heat sealed transparent plastic a naglaon ti maipagarup a shabu iti maysa a pulis a nagpammarang kas poseur-buyer.
Nakumpiskar manipud iti suspek ti maysa nga heat sealed transparent plastic a naglaon ti maatap a shabu nga agbalor ti uppat a ribu a pisos nga agdagsen iti 4 a gramo ken maysa pay nga heat sealed transparent plastic a naglaon ti mapapati a shabu nga agbalor ti 6,800 nga agdagsen ti maysa a gramo pakairamanan ti sangaribu a pisos kas buy-bust money ken dagiti dadduma pay a drug paraphernalia
Kabayatanna, naammoan a ti suspek ket maysa a lider ti Galria Drug Group.
