LAOAG CITY – Inrakurak ti Bureau of Fisheries and Aquatic Resources a tallo a lugar iti Visayas ken Mindanao ti naapektaran ti toxic red tide a limmabes iti regulatory limit.
Daytoy ket dagiti coastal water ti Dauis ken Tagbilaran City idiay Bohol; Dumanquillas Bay idiay Zamboanga del Sur; ken coastal waters ti San Benito idiay Surigao del Norte.
Iti Shellfish Bulletin, naammoan a nagpositibo latta iti paralytic shellfish poison dagiti sumagmamano a seafoods a naala kadagiti nasao a lugar.
Iti baet daytoy, natalged met a sidaen ti ikan, pusit, hipon, ken kappe laketdi daytoy ket maugasan ken maluto a naimbag kagiddan ti panangikkat a nasayaat dagiti adda iti uneg daytoy.
