LAOAG CITY – Kinumpirmaran ni Police Captain Julius Basallo, chief of police ti PNP-Bangui ti napasamak a desgrasya iti Barangay Baruyen iti nasao nga ili partikular iti viewdeck.
Nabigbig ti driver ti trailer truck a ni Armando Tulali, residente iti Barangay Magnuang iti ciudad ti Batac ken ti pahinante na ket ti anak na met laeng a ni John Jastel, agtawen ti 22 ken agnanaed iti Claveria, Cagayan.
Segun kenni Basallo, iti panagimbestigar da ket naggapo iti San Fernando City dagiti agama ke agideliver da kuma ti fertilizer idiay Claveria.
Kunana nga iti agsalog ket nag-low gear ti driver ken idi adda da iti kurbaan a paset ti kalsada ket kellaat a naipan iti neutral ken maipagarop nga adda ti bunton ti darat ken saanen a nakontrol ti ama ti manibela ti trailer truck.
Gapo iti daytoy, kunana a napanunot ti ama a driver nga idungpar laengen ti trialer truck iti bunton ti darat tapno awan ti mairamraman.
Kuna ni Basallo nga iti laksid daytoy ket awan met ti sinagaba a sugat dagiti agama ngem ti nakaro a nadadael ket ti lugan.
