LAOAG CITY – Nagtaripnong da Ukrainian President Volodymyr Zelensky ken US President Donald Trump kagiddan ti panagatendar da ti funeral mass ni Pope Francis iti St. Peter’s Square idiay Vatican.
Ti taripnong ket nagbalin a very productive ken nagpaut iti sangapulo ket lima a minutos.
Ti panagkita dagiti dua a lider ket isu ti umuna a gundaway sipud adda ti saanda a nagkinnaawatan iti White House idi pebrero ita a tawen bayat ti panagtaripnong da para iti panagngudon ti rinnupak iti nagbaetan iti Russia ken Ukraine.
Segun iti kampo ni Zelenskiy, nagtulag dagiti dua a lider nga agsarita manen kalpasan iti tabon ni Pope Francis.
