LAOAG CITY – Balligi ti pannakaipaay ti tulong pinansial kadagiti residente ditoy siudad ti Laoag a makatulong kas pagpuonan iti negosio.
Mainaig iti daytoy, ti nasao nga addang ket inisiatibo ti Office of the Vice Mayor, Provincial Sustainable Livelihood Program coordinator, Staff iti Department of Social Welfare and Development ken sumagmamano a kameng ti Senate of the Philippines.
Nakaawat ti P15,000 a cash assistace dagiti 140 a benepisyaryo ti sustainable livelihood program ditoy siudad.
Namnamaen ti City Government a daytoy nga addang ket makatulong makatulong a mangpadur-as iti negosio wenno mangirugi iti pagbiagan da.
Kabaytanna, naiwayat ti nasao nga aktibidad iti Session Hall ti Sangguniang Panlungsod, kas paset ti agtultuloy a suporta ti gobierno lokal para iti pannakapadur-as ti panagbiag dagiti umili.
