LAOAG CITY – Kalikagum da Turkish ken Russian Ambassador a mangipasdek ti green renewable energy ditoy Ilocos Norte.
Daytoy ti nagbalin a rakurakda kagiddan ti panagbisitada ditoy probinsia.
Segun ken ni Turkish Ambassador Niyazi Evren Akyol, napateg ti panagpasiarda kadagiti nagduduma a lugar ditoy pagilian tapno maammoanda ti pakasaritaan, kultura ken heritage pakairamanan ti potensial iti nadur-as nga ekonomia.
Inlawlawagna nga adda ti napagsasaritaanda ken ni Mayor Michael Marcos Keon maipapan iti posible a corporation areas kas ti construction projects.
Inbatadna a napalaos ti panagyamanna iti nabara a panangpasangbay kadakuada ditoy probinsia.
Kunana a daytoy ti damo a makapasiar ditoy probinsia no sadino mangnamnama daytoy nga adu pay dagiti napipintas a mapasamak kabayatan ti kaaddada ditoy pagilian.
Mainaig iti daytoy, gagemna pay a maidiaya ditoy probinsia ti pakaseknan iti sektor ti agrikultura kas kadagiti agricultural machineries, ganagan ken dadduma pay.
Innayonna nga adda ti pannakikammayetda iti Mariano Marcos State University para iti pannakaitandudo iti benneg ti edukasion.
