LAOAG CITY – Umabot iti 130 nga ubbing ti nakipaset iti “Kugit Bulilit Program” ditoy ciudad ti Laoag.
Daytoy ti inpakaammo ni Dr. Rodrigo Catcatan, mangidadaulo ti City Health Office ditoy suidad ti Laoag .
Segun kenkuana, agtawen ti 10 agingga 16 ti balligi a nakugit manipud ditoy ciudad ken kadagiti sumagmanano nga ili.
Naipatungpal ti “Kugit Bulilit program” tapno matulongan dagiti lallaki nga agtawen iti 10-agpangato kangrunaan na ti pamilia da a saan a makabael nga agbayad iti panagpakugit iti ospital.
Kabayatanna, inpakaammo ni Catcatan nga adda pay dagit dadduma nga aktibidad ken programa a maiyuswat kadagiti sumarsaruno a lawas kas paset iti pannakaselebrar iti maika-60 a Charter day ditoy ciudad a pakabenepisiaran dagiti naruay nga umili.
