LAOAG CITY – Umabot iti 21 a tattao ti natay kalpasan a naarinebneb ti nagluganan da a pampasahero a Bangka iti River Nile state iti northern Sudan.
Inbatad ti Sudan Doctors Network a ti nasao a Bangka ket aglaylayad iti nagbaetan dagiti villages ti Tayba al-Khawad ken Deim al-Qarai, ken addaan daytoy ti 30 a pasahero pakairamanan ti babbai, nataengan ken ubbing idi napasamak ti insidente.
Segun ken ni Dr Mohamed Faisal Hassan, ti pannakangiwat ti Sudan Doctors Network, agtultuloy paylaeng ti panagsawar dagiti rescue teams gapu ta adda pay dagiti saan a nakita a pasahero.
Rumrumuar a ti kangrunaan a makaigapu ti pannakaarinebneb ti bangka ket gapu kadagiti dadakkel a dalluyon iti Shendi area.
