LAOAG CITY – Umabot iti 31 a tattao ti natay kalpasan dagiti napaigetan a panagatake ti Israel iti southern ken eastern Lebanon.
Napasamak daytoy kalpasan nga inkari ni Israeli Prime Minister Benjamin Netanyahu a paigetan da pay ti military action kontra iti grupo nga Hezbollah.
Segun iti Lebanon Health Ministry, karaman kadagiti pimmusay ket sumagmamano nga ubbing.
Mainaig iti daytoy, kinumpirmaran ti Israeli military a natamaan da ti nasurok a 100 nga Hezbollah infrastructure sites ken fighters.
Daytoyen ti maibilang a kagrabean a panagraot ti Israel kontra iti Lebanon sipud nagbalin nga epektibo ti ceasefire iti katengngaan ti Abril ita a tawen.
