LAOAG CITY – Umaboten iti 132 a tattao ti natay iti napasamak a layos idiay Sudan.
Ti napasamak a flash floods ket gubuay ti awan sarday a panagtudtudo na ti napigsa a nangitunda ti pannakarpuug ti dam ken nagresulta ti nalawa a layos.
Basar iti report, umabot iti 10 a probinsya iti Sudan ti naapektaran ti layos a nakadadaelan ti nasurok a 12 ribo a balay.
Mainaig iti daytoy, umabot met iti nasurok a 30 ribo a pamilya ti naapektaran iti nalawa a layos.
Kaadoan kadagiti pimmusay ket manipod iti northwest Red Sea State kalpasan a narpuug ti Arba’at Dam iti Port Sudan.
