LAOAG CITY – Umaboten iti nasurok a 250-milyon a pisos ti nausar a pondo ti Department of Labor and Employment (DOLE) para iti naited a sweldo para kadagiti benepisyaryo ti Tulong Panghanapbuhay sa Ating Disadvantaged / Displaced Workers (TUPAD).
Daytoy ti inbatad ni Mr. Jampaul Marbelia iti Department of Labor and Employment (DOLE) iti Region I.
Inlawlawag na a manipod iti nasao a gatad ket umabot iti 103 ribo a mangmangged manipod iti Informal sector ti nabenepisyaran.
Kuna na a karaman kadagiti mangmangged iti informal sector ket dagiti ambulant vendors, mannalon nga awan ti regular a mapaspastrek na ken dagiti napukawan ti pagtrabahoan.
Inadmitir ni Marbelia a kas kadagiti dadduma nga opisina ti gobierno ket saan a maliklikan nga adda latta dagiti mangabuso iti programa ti nasao nga ahensya.
Nupay kasta, inpakaammo ni Marbelia a nangiparuk-at ni Labor Secretary Silvestre Bello III ti nayun a control-measures tapno maliklikan dagiti saan nga usto a pannakaiyimplementar dagiti programa ti DOLE.
