LAOAG CITY – Inbatad ni Ilocos Norte Provincial Director Police Col. Frederick Obar a sumangsangu iti kaso nga administratibo ti pulis a nadesgrasya iti paset ti Sarrat – Vintar road idi napan a bulan ti Agosto.
Segun ken Obar ti nasao a pulis a ni Police Patrolman James Flores, kameng ti Philippine National Police iti ili ti Solsona ket nadisgrasya apaman ti panagawid na iti pagtaengan na iti ili ti Vintar.
Gapu iti daytoy, kuna ti Provincial Director a nagtalinaed ni Flores iti Ilocos Norte Police Provincial Office gapu ta napaneknekan nga adda impluwensya na iti nasanger apaman ti pannakadesgrasya na.
Kunana a masapul a maimbestigaran ni Flores gapu ta saan da nga i-tolerate ti naaramid na.
Innayonna a ti siasinnoman a police personnel a maduktalan nga agmanmaneho nga adda impluwensya na ti arak ket sumango iti administrative case.
