LAOAG CITY – Agtultuloy ti panagsawar dagiti rescue team para kadagiti survivors kalpasan ti idadayyeg ti magnitude 7.7 a gingined a nakatayan ti 47 a tattao idiay Indonesia.
Iti preliminary reports, nailanad a ginasut a pasdek ti nakaro a nagpasar ti perdisyon kalpasan ti napigsa a gingined ken ti dinosdosena nga aftershocks.
Segun iti National Disaster Management Agency (BNPB) agency, maysa kadagiti kangrunaan a naapektaran ti napigsa a gingined ket ti probinsya ti Manggarai.
Naamoan a dagiti nairekord a pimmusay ket kaadoan ti naggapo iti probinsya ti Manggarai nga umabot iti 17, idinto a tallo iti Sikka province, ken saggayasa iti Ngada, Ende ken iti West Manggarai provinces.
Adda met ti nairekord a 11 a sabsabali a nagpasar ti nakaro a sugat no sadinno a dua kadagitoy ti napakarwan.
