LAOAG CITY – Kinumpirmaran ti Israel Defense Forces a naipaiman iti Red Cross dagiti uppat a babbai nga agpapada nga Israeli a karaman kadagiti hinostage ti Hamas iti Gaza.
Nagtitipon dagiti miembro ti Hamas ken dagiti naruay a tattao iti Palestine Square iti Gaza City sakbay ti panangwaya-waya da kadagiti balud da.
Naamoan a dagiti babbai a winaya-wayaan ti Hamas ket agpapada a soldado ti Israel.
Daytoyen ti maikadwa a grupo a winaya-wayaan ti Hamas sipud immanugot da iti Israel iti pannakaipatungpal ti ceasefire.
Basar iti report, kas kasukat ti panangwaya-waya ti Hamas kadagiti hostages da ket paluspusan met ti Israel ti agarop 200 a Palestinian a nakabalud iti Israel.
