LAOAG CITY – Agtultuloy a banbantayan ti Estados Unidos ti maipagarop a naduktalan na nga alyansa ken kolaborasyon iti nagbaetan ti China ken Houthi rebels nga agpangpangta a mangdadael iti stability ti Red Sea.
Basar iti impormasyon nga inparuk-at ti sumagmamano nga international news organization, agsinsinnukat ti China ken rebelde nga Houthi ti serbisyo ken war materials iti babaen ti kumplikado ken nalimed a supply chain.
Iti babaen ti nasao a supply chain, maipagarop a palpalubusan dagiti rebelde ti idadalan dagiti barko nga addaan ti Chinese flag kasukat dagiti Chinese-made weapon.
Ti nasao a sistema ket maipagarop a binukel dagiti rebelde sipud nangrugi ti nagsasaruno a panagatake iti Red Sea.
Babaen iti daytoy ket maaramid dagiti rebelde ti makaala kadagiti advanced component para iti ballistic ken cruise missile da.
