LAOAG CITY – Opisyalen a sinertipikaran ti Congress ti pannangabak ni incoming United State President Donald Trump idi November 2024 US Presidential Election apaman ti naangay a joint session.
Indauluan ni US Vice President Kamala Harris ti seremonya.
Mainaig iti daytoy, napalaos met ti kinaragsak dagiti Republicans apaman ti panangirakurak ni Harris a nakagun-od ni Trump ti 312 electoral votes idinto nga isuna ket addaan laeng ti 226 electoral votes.
Segun ken Bombo International News Correspondent Rene Ballenas iti Estados Unidos, umabot iti sumurok-kumurang maysa nga oras tapno sertipikaran da ti pannangabak ni Trump.
Kunana a magagaran metten dagiti residente iti inauguration ni Trump a maangay inton Enero 20, 2025.
Dinayaw pay ni Ballenas ni Harris gapu ta iti laksid a naabak daytoy ket inaramid na latta ti akemna a nangidaulo iti seremonya.
Mainaig iti daytoy, inbatad na a saan met a naliklikan nga adda dagiti nangisayangjat ti rally iti ruar ti US Capitol, ngem saan a kas idi 2020 nga inatake dagiti supporters ni Trump ti US Capitol gapu iti panangitantan ti Kongreso iti ceremonial process.
Kabayatanna, saan met a nagbalin a lapped ti agdama a sitwasyon ita idiay Estados Unidos, partikular iti Washington a nabalkot ti yelo.
