LAOAG CITY – Nagballaag ni U.S. President Donald Trump a possible a maaddaan ti nakarkaro a gubat iti Middle East no mapaay ti peace process iti Iran, kagiddan ti panagngato ti presyo ti langis ken agtultuloy a tension iti Strait of Hormuz.
Iti statement ni Trump, inbatad na nga agtalinaed dagiti pwersa ti militar ti Amerika iti rehiyon agingga a magun-od ti katulagan iti kapia, ken no saan nga agballigi ket sumango ti Iran iti nalawlawa ken narangranggas nga opensiba.
Dinakamat na a nakasagana ti U.S. ships, aircraft, ken personnel nga adda ti nayun nga armas tapno dadaelen dagiti kabusor no kasapulan.
Kagiddan iti daytoy, naireport a ngimmato ti presyo ti langis iti world market, nangatngato no ikompara iti presyo sakbay a nangrugi ti joint U.S.-Israel operations.
Nagtalinaed a saan a nalawag ti sakopen ti ceasefire, kalpasan ti nalawa nga airstrikes ti Israel iti Lebanon a nakatayan ti nasurok a 250 tattao, rason nga inawagan ti Iran dagiti negosasyon nga “unreasonable.”
Iti met rakurak ni White House spokesperson Karoline Leavitt, inbatad na a saan a patpatien ti media ken publiko dagiti naratibo ti Iran gapu ta sabali ti ibagbaga na iti biang ti Amerika.
