LAOAG CITY – Anamongan Vice President Sara Duterte ti “assumption” ti ama na a ni dati a Presidente Rodrigo “Digong” Roa Duterte, a maysa a drug addict wenno durugista ni Presidente Ferdinand Marcos Jr. gapu ta saanna a kayat ti dumalan ti drug test.
Reaksyon daytoy ni Vice President Sara iti nagbalin a rakurak ti ama na no sadinno nga inawagan na a drug addict ni Presidente Marcos ken kinarit na ti military a protehiran ti Konstitusyon.
Iti report, daytoy ti kaunaan a gundaway nga inraman ti Duterte patriarch ni Marcos iti illegal a panagusar ti droga.
Maipalagip nga idi Enero ita a tawen ket kinarit ni dati a Presidente Duterte ni Presidente Marcos a dumalan iti drug test iti sangwanan ti publiko tapno paneknekan a saan a durugista wenno drug addict.
Kabayatanna, naglikudan ti Philippine Drug Enforcement Agency (PDEA) ti alegasyon kontra iti presidente ken inpetteng ti ahensya a saan a karaman ni Presidente Marcos iti watch list.
