LAOAG CITY – Nadutukan kas baro nga Interim President iti Vice Mayors Leage of the Philippines ni Vice Mayor Maynard Francis Bumanglag manipud iti ili ti Pinili.
Inbatadna a dakkel a panagyamanna gapu ta uray aggapu laeng iti maysa a bassit nga ili ket isuna ti napagasatan a National President kadagiti amin a Bise Mayor iti intero a pagilian.
Inlawlawagna a daytoy ket ibilangna a maysa a karit kenkuana iti panagserbina kadagiti masakupanna iti probinsia nga Ilocos Norte pakairamanan iti intero a pagilian.
Kunana a manamnama a mangruginton nga ag-preside kadaytoy umay a bulan kas baro a Presidente iti Vice Mayors League of the Philippines.
Kabayatanna, naammoan a nakapagsapata metten ni Bumanglag idi Hunio 5 idiay Manila babaen ken ni Senador Imee Marcos.
