LAOAG CITY – Maam-amak ti World Health Organization (WHO) iti maiwaywayat nga airstrike ti Israel kadagiti ospital iti Gaza.
Segun ken ni World Health Organization Director General Tedros Adhanom Ghebreyesus, saan a nasayaat ti agdama a kasasaad dagiti pasiente ken dagiti staff ti Kamal Adwan Hospital.
Ti nasao a panangraot ket nangitunda iti pannakadadael ti electricity generator a maus-usar para iti operasion ti ospital.
Nagpanawagan daytoy iti Israel a panawenen ti pannakaisardeng ti ceasefire.
Malaksid iti Gaza ket madanagan pay ti World Health Organization ti panagadu dagiti ospital a matamtamaan ti airstrikes ti Israel iti Lebanon.
Basar iti datos ti World Health Organization, addan ti 212 a pimmusay nga health sector worker idinto a 317 ti nasugatan.
Dumanon iti 225 a panangraot kadagiti emergency medical services idinto nga adda ti 66 a panangraot kadagiti ospital.
Nakaro a nadadael dagiti 40 nga ospital no sadinno a walo kadagitoy ket saanen a mausar ken adda ti 249 nga ambulansia ti natamaan ti airstrikes.
Immuna iti daytoy, nangiparuk-at ti Israel military ti emergency evacuation iti Lebanon gapu kadagiti agtultuloy a panangraot.
