LAOAG CITY – Mamati ni Ukrainian President Volodymyr Zelensky a napaspas a malpas ti gubatda kontra iti Russia iti panagtugaw ni United States president-elect Donald Trump.
Inbatadna nga iti pagannurotan ita ni Trump nga apaman a pormal nga agtugaw daytoy iti White House ket sigurado a malpasen ti rinnupakda.
Nupay kasta, inlawlawagna a saan met pay a masinunuo no inton ano a malpas ti gubat ken ti maaddaan ti patas a kinakappia a dakkel a tulong iti Ukraine.
Immunan nga inkari ni Trump nga apaman iti panagtugawna iti puesto ket kabaelanna a lippasen iti maysa nga aldaw a gubat ti Urkraine ken Russia.
